Самарқанд давлат чет тиллар институти таржима назарияси ва амалиёти факультети ва институт “Камолот” ёшлар ижтимоий ҳаракати бошланғич ташкилоти билан ҳамкорликда 2015 йил 5 декабрь куни институт фаоллар залида таржима назарияси ва амалиёти факультети 1-курс талабалари ўртасида
“ҚВЗ” бизни бирлаштирди шиори остида қувноқлар ва зукколар кўрик-танлови ўтказилди. Кўрик-танловда 6 та жамоа 4 та шарт асосида беллашди. Хитой тили йўналишининг
IDEAL жамоаси 18.4 балл тўплаб 1-ўринни, Япон тили йўналишининг
ZO’R-ZO’R жамоаси 17.8 балл тўплаб 2-ўринни, Таржима назарияси ва амалиёти йўналишининг
“TARJIMON” жамоаси 17.4 балл тўплаб 3-ўринни эгалади. Факультетнинг 1-курс рус гуруҳлари ичидан сараланган терма
“AZIA MIX” жамоаси 16.8 балл, Араб тили йўналишининг
“O’ZBEGIM YOSHLARI” жамоаси 16.4 балл ва Корейс тили йўналиши талабаларидан ташкил топган
“ANTIQA” жамоаси 14.2 балл тўплади. Жамоалар томонидан саҳналаштирилган барча саҳна-кўринишлари йиғилган томошабинларга хуш кайфият улашди десак муболаға бўлмайди. Барча жамоалар диплом ва номинациялар бўйича фахрий ёрлиқ билан ҳамда хар бир жамоадан 1 нафар йигит-қиз “Энг қувноқ йигит” ва “Энг қувноқ қиз” номинацияси билан тақдирланди. Январь ойида институт “Камолот” ёшлар ижтимоий ҳаракати бошланғич ташкилоти томонидан ўтказилиши режалаштирилган “Қувноқлар ва Зукколар” кўрик-танловининг факультетлараро босқичида иштирок этадиган
“ҚУВНОҚ ТАРЖИМОНЛАР” жамоаси учун энг яхши иштирокчилар саралаб олинди.